Entrevista a Maite a nai de Raquel polo 25 aniversario do cole

O venres veu Maite como invitada para que lle fixeramos unha entrevista, xa que ela veu a este cole cando era nena e queriamos saber se as cousas eran iguais que antes ou non. Na web do cole tedes o resto das fotos no álbum: 25 aniversario_Entrevistas

Fixémoslle moitas preguntas como por exemplo:

- Os encerados eran iguais?

Ela contestounos que si, pero non se deu conta de que nós temos un encerado dixital, e cando o recordou dixo que non, que os que había eran os de xiz

-Tiñades os mesmos mandilóns?

Pois aínda que eran parecidos, só os había rosas e azuis, hoxe en día hainos de moitas cores, son mais divertidos

- A biblioteca era igual?

Non, non estaba pintada igual, nin tiña sofacitos e mobles tan chulos, e tampouco tiña tantos libros

- Os libros dos nenos eran iguais que os de agora?

Pois mais ou menos si

- As pinturas eran iguais?

Si eran as típicas de plastidecor

- Que profes había antes?

Pois non había os mesmos, acórdome da miña titora e do director Alberte, que tamén era o de Educación Física

- Había os mesmos xoguetes?

Non había moitos menos, e xogabamos á goma ou á corda sobre todo.

E moitas mais que fixeron tamén os nenos da clase do lado. Aprendimos moito con ela. Grazas Maite!!!